354. stjórnarfundur SASS

15. ágúst 2002

354. stjórnarfundur SASS haldinn að Austurvegi 56, Selfossi, fimmtudaginn 15. ágúst 2002 kl. 16.00

Mætt: Valtýr Valtýsson, Hafsteinn Jóhannesson, Ágúst Ingi Ólafsson, Sigurður Bjarnason, Torfi Áskelsson , Ingunn Guðmundsdóttir og Þorvarður Hjaltason, framkvæmdastjóri. Sveinn A. Sæland og Geir Ágústsson boðuðu forföll. Valtýr setti fund og bauð fundarmenn velkomna.

Dagskrá:

Fundargerð Heilbrigðisnefndar Suðurlands frá 2.júlí sl.

Til kynningar.

Bréf frá Umhverfisráðuneytinu, dags. 1. og 25. júlí 2002, þar sem óskað er tilnefningar SASS á einum fulltrúa og einum til vara í samvinnunefnd miðhálendisins.

Samþykkt að afgreiða málið í tengslum við aðalfund SASS.

Bréf frá Félagsmálaráðuneytinu, dags. 4. júní 2002, þar sem óskað er tilnefningar SASS á tveimur fulltrúum og tveimur til vara í svæðisráð Svæðisvinnumiðlunar Suðurlands á Selfossi.

Vísað til aðalfundar SASS

Bréf frá Heilbrigðis- og tryggingamálaráðuneytinu, dags. 25. júní 2002, þar sem svarað er ályktun stjórnar SASS um rekstrarskilyrði dvalar- og hjúkrunarheimila á Suðurlands frá 8. maí sl.

Samþykkt að senda afrit af bréfinu til hjúkrunarstofnananna.

Bréf frá Félagsmálaráðuneytinu, dags. 12. júní 2002, þar sem kynnt er ný reglugerð um jöfnunarframlög Jöfnunarsjóðs sveitarfélaga til reksturs grunnskóla.

Ingunn gerði grein fyrir málinu en hún situr í ráðgjafarnefnd Jöfnunarsjóðs.

Bréf frá Rangárþingi ytra, dags. 14. júní 2002, varðandi umsókn Útvarps Suðurlands ehf. um styrk til dagskrárgerðar.

Valtýr gerði nánari grein fyrir bréfinu. Einnig lagðir fram minnispunktar Soffíu Sigurðardóttur útvarpsstjóra.

Samþykkt að vísa bréfinu til aðalfundar SASS

Aðalfundur SASS 2002.

Lögð fram drög að ársskýrslu og dagskrá fundarins.

Forsendur fjárhagsáætlunar ræddar. Samþykkt að ganga endanlega frá ársskyrslu og fjárhagsáætlun á lokafundi stjórnar fyrir aðalfund.

Efni til kynningar:

a. Fundargerð stjórnar Atvinnuþróunarsjóðs frá 7. júní sl.

b. Fundargerð stjórnar Sorpstöðvar Suðurlands frá 24. júní sl.

c. Bréf frá Félagsmlaráðuneytinu er varða nöfn nýrra sveitarfélaga á Suðurlandi.

d. Efni frá Sambandi íslenskra sveitarfélaga