394. stjórnarfundur SASS

4. maí 2006

394. stjórnarfundur SASS

haldinn að Austurvegi 56, Selfossi,

fimmtudaginn 4. maí 2006, kl. 16.00

Mætt: Gunnar Þorgeirsson, Þorvaldur Guðmundsson, Gylfi Þorkelsson, Herdís Þórðardóttir, Elín Bjarnveig Sveinsdóttir, Ólafur Eggertsson, Sigurbjartur Pálsson, María Sigurðardóttir, Árni Jón Elíasson, Guðrún Erlingsdóttir og Þorvarður Hjaltason framkvæmdastjóri sem ritaði fundargerð. Gestur fundarins: Kristín Hreinsdóttir framkvæmdastjóri Skólaskrifstofu Suðurlands. Óvæntir gestir fundarins voru Jón Kristjánsson félagsmálaráðherra og Sigurður Eyjólfsson. Jón svaraði nokkrum fyrirspurnum fundarmanna.

Dagskrá:

Málefni Sérdeildar Suðurlands/Vallaskóla.

a. Fundargerð Fagráðs frá 28. febrúar sl.

b. Bréf frá Sveitarfélaginu Árborg, dags. 23. mars 2006 varðandi skipun starfshóps.

Samþykkt að skipa Kristínu Hreinsdóttur í starfshópinn. Ennfremur samþykkt að fá frekari upplýsingar um starfsemi deildarinnar á næsta fundi.

Fundargerð aukaaðalfundar frá 26. apríl sl.

Samþykkt að kynna drög að launa- og starfsmannastefnu fyrir stjórnum annarra byggðasamlaga sem í hlut eiga.

Fundargerðir Heilbrigðisnefndar Suðurlands frá 14. mars og 25. apríl sl.

Til kynningar.

Fundargerð Skólaskrifstofu Suðurlands frá 22. mars sl.

Fundargerðin staðfest.

María Sigurðardóttir gerði athugasemd varðandi 6. lið fundargerðarinnar, þar sem rætt er um stærðfræðikeppni grunnskóla á Suðurlandi, á þá leið að Grunnskóla Þorlákshafnar hefði verið meinuð þátttaka í keppninni þar sem sveitarfélagið sé ekki aðili að skrifstofunni.

Guðrún Erlingsdóttir vék af fundi.

Fundargerðir Endurskoðunarnefndar frá 21. mars og 10. apríl sl.

Fundargerðirnar staðfestar.

Fundargerð samgöngunefndar frá 3. maí sl.

Í framhaldi af umfjöllun nefndarinnar um hugmyndir Sjóvár –Almennra um framkvæmdir við Suðurlandsveg var eftirfarandi ályktun lögð fram og samþykkt:

,, Stjórn SASS fagnar fram komnum hugmyndum Sjóvár-Almennra um einkaframkvæmd á fjögurra akreina upplýstum vegi á milli Selfoss og Reykjavíkur og hvetur samgönguráðherra og yfirvöld samgöngumála til að kanna rækilega möguleika á slíkri framkvæmd. Áhugi fyrirtækisins sýnir svo ekki verður um villst að um arðsama framkvæmd er að ræða. Samtök sunnlenskra sveitarfélaga leggja mikla áherslu á að þessum bráðnauðsynlegu samgöngubótum verði hraðað eins og kostur er og telja að hér gefist einstakt tækifæri sem rétt sé að grípa.

Jafnframt lýsir stjórn SASS yfir mikilli ánægju með nýgerðan samning á milli Sveitarfélagsins Ölfuss og Orkuveitu Reykjavíkur um lýsingu Þrengslavegar. Sú framkvæmd mun vafalaust auka þægindi og öryggi vegfarenda og gerir þörf fyrir verulegar endurbætur á Suðurlandsvegi enn augljósari.“

Jafnframt var samþykkt að óska eftir fundi með samgönguráðherra, þingmönnum kjördæmisins og forstjóra Sjóvár-Almennra um málið.

Erindi frá Alþingi, dags. 25. apríl 2006, þar sem óskað er umsagnar um frumvarp til laga um Náttúruminjasafn Íslands, 688. mál, heildarlög.

Lagt fram.

Lagt fram.

Bréf frá Iðnaðar- og viðskiptaráðuneytinu, dags. 30. mars 2006, varðandi styrkbeiðni SASS frá 3. mars sl. vegna útgáfu kynningarbæklings.

Framkvæmdastjóri kynnti stöðu málsins.

Bréf frá Bændasmtökum Íslands, dags. 23. mars 2006, vegna ályktunar Búnaðarþings 2006 um jöfnuð til náms.

Stjórn SASS tekur undir ályktunina.

Ársþing SASS 2006.

Samþykkt var að halda ársþing Samtaka sunnlenskra sveitarfélaga dagana 7. og 8. september nk. í Hveragerði.

Efni til kynningar

a. Fundargerð stjórnar Atvinnuþróunarsjóðs Suðurlands frá 6. apríl sl.

b. Fundargerð stjórnar Sorpstöðvar Suðurlands frá 11. apríl sl.

c. Efni frá Sambandi íslenskra sveitarfélaga.

d. Efni frá landshlutasamtökunum.

Önnur mál.

a. Framkvæmdastjóri skýrði frá því að kynningarfundur um vaxtarsamning Suðurlands verður haldinn 18. maí nk.

b. Samþykkt að stjórn fari til Reykjavíkur 16. júní nk. til að kynna sér fyrirkomulag og rekstur hjúkrunarheimila.

c. Næsti stjórnarfundur ákveðinn 10. ágúst nk.

d. Formaður skýrði stöðu mála varðandi viðbyggingu við Heilbrigðisstofnunina á Selfossi

Fundi slitið kl. 18.00

Gunnar Þorgeirsson Þorvaldur Guðmundsson Gylfi Þorkelsson

Herdís Þórðardóttir Elín Bj. Sveinsdóttir Ólafur Eggertsson

Sigurbjartur Pálsson María Sigurðardóttir Árni Jón Elíasson

Þorvarður Hjaltason