415. stjórnarfundur SASS

20. ágúst 2008

415. fundur stjórnar SASS

haldinn að Austurvegi 56 Selfossi.

miðvikudaginn 20. ágúst 2008, kl. 10:30

Mættir: Sveinn Pálsson, Guðmundur Þór Guðjónsson, Gylfi Þorkelsson, Jón Hjartarson, Sigurður Ingi Jóhannsson, Þorgils Torfi Jónsson og Þorvarður Hjaltason framkvæmdastjóri sem ritaði fundargerð.

Fundargerðin var færð í tölvu.

Dagskrá

1. Bréf frá Sveitarfélaginu Hornafirði, dags. 4. júlí 2008, þar sem sótt er um aðild að Samtökum sunnlenskra sveitarfélaga.

Stjórnin fagnar umsókninni og mælir með aðild Hornfirðinga og vísar umsókninni til aðalfundar.

2. Samningur um rekstur Sérdeildar Suðurlands, dags. 24. júní 2008, og starfsreglur fyrir Sérdeildina og fagráð hennar. Óskað er staðfestingar stjórnar SASS.

Samningurinn samþykktur að því tilskyldu að uppsagnarákvæði verði bætt inn í hann.

Framkvæmdastjóra falið að undirrita samninginn með þeim breytingum.

3. Ársþing SASS.

Samþykkt að halda ársþingið á Hvolsvelli 23. og 24. október nk.

Rætt um drög að dagskrá og fyrirkomulag þingsins.

4. Bréf frá Sambandi íslenskra sveitarfélaga, dags. 11. ágúst 2008, varðandi Allsherjarþing Evrópusamtaka sveitarfélaga 2009.

Til kynningar.

5. Húsnæðismál SASS og tengdra stofnana.

Lögð fram greinargerð Erum arkitektar á vegum Auðhumlu um stofnana- og fræðslusetur á Selfossi. Umræðu frestað þar sem ekki liggja fyrir nauðsynlegar upplýsingar.

6. Framtíðarsýn samtakanna.

Lagðar fram tillögur nefndar um skipulag og hlutverk SASS sem samþykktar voru á aðalfundi í nóvember 2005, tillögur starfshóps frá 2007 og samþykktir SASS. Rætt um framtíðarsýn og skipulag

samtakanna. Stjórnarmenn höfðu um það mismunandi skoðanir. Umræðum verður haldið áfram á næsta stjórnarfundi.