Ert þú með Viðskiptahugmynd eða nýtt fyrirtæki á sviði ferðaþjónustu? Þarft þú aðstoða við að koma því á næsta stig?
Startup Tourism er tíu vikna viðskiptahraðall þar sem allt að tíu sérvalin sprotafyrirtæki í ferðaþjónustu fá tækifæri til að þróa áfram viðskiptahugmyndir sínar undir leiðsögn sérfræðinga. Umsóknarfrestur er til og með 6. janúar 2016 en hraðallinn hefst 1. febrúar 2016 og fer fram í Reykjavík.
Þátttakendur fá aðgang að fullútbúinni vinnuaðstöðu á tímabilinu, handleiðslu og ráðgjöf frá reyndum frumkvöðlum, fjárfestum og sérfræðingum. Fyrirtækjunum stendur jafnframt til boða þjálfun og fræðsla á fjölbreyttum sviðum sem er til þess fallin að hraða þróun viðskiptahugmyndanna. Þessu til viðbótar gefst fjöldi tækifæra til tengslamyndunar sem reynst hefur dýrmætt veganesti fyrir sprotafyrirtæki. Verkefninu lýkur þann 8. apríl með kynningum fyrirtækjanna fyrir fullum sal af fjárfestum og lykilaðilum í ferðaþjónustunni.
Umsóknareyðublað má finna á heimasíðu Startup Tourism startuptourism.is
Íslenski ferðaklasinn 
