563. fundur stjórnar SASS

6. nóvember 2020

563. fundur stjórnar SASS
Haldinn í fjarfundi
28. október 2020, kl. 16:30 – 18:30

Þátttakendur: Eva Björk Harðardóttir formaður, Helgi Kjartansson, Arna Ír Gunnarsdóttir, Björk Grétarsdóttir, Friðrik Sigurbjörnsson, Jóna Sigríður Guðmundsdóttir, Ari Björn Thorarensen, Grétar Ingi Erlendsson og Ásgerður Kristín Gylfadóttir. Fundarmenn tegjast fundinum í gegnum fjarfundarhugbúnað. Einnig taka þátt í gegnum fjarfundarhugbúnað Þórður Freyr Sigurðsson sviðsstjóri Þróunarsviðs og Bjarni Guðmundsson, framkvæmdastjóri SASS, sem jafnframt ritar fundargerð.

Formaður setur fundinn og býður fundarmenn velkomna.

1. Fundargerðir

Fundargerð 562. fundar staðfest en hún verður undirrituð síðar.

2. Ársþing SASS 2020

a. Dagskrá ársþings og aðalfundar

Formaður og framkvæmdastjóri kynntu lokadrög að dagskrá komandi árþings og aðalfundar SASS sem fram fer á morgun. Stjórn staðfesti dagskrárnar.

b. Skipan þingfulltúa í starfshópa ársþingsins

Farið yfir verklag starfshópanna og hvaða spurningar yrðu lagðar fyrir þá en alls verða hóparnir níu og um 10 þingfulltrúar í hverjum hóp. Stjórnarmenn verða formenn í hópunum og þeir munu leiða vinnu starfshópanna um nýsköpun og ritarar hópanna verða ráðgjafar á vegum SASS. Stjórn skipaði þingfulltrúa í starfshópa ársþingsins en gert er ráð fyrir að þeir muni starfa áfram eða fram að næsta ársþingi 2021.
Aldís Hafsteinsdóttir er formaður kjörbréfa- og kjörnefndar en hún var kosin á síðasta aðalfundi.

3. Sóknaráætlun Suðurlands – seinni úthlutun úr Uppbyggingarsjóð Suðurlands

Grétar Ingi og Friðrik véku af fundi þegar þessi liður er á dagskrá þar sem fyrirtæki sem þeir tengjast eiga umsóknir í sjóðnum. Þetta er gert til að tryggja málsmeðferð við úthlutunina og er til samræmis við sveitarstjórnarlög nr. 138/2011.

a. Formaður kynnir að alls bárust 165 umsóknir í seinni úthlutun Uppbyggingarsjóðs Suðurlands 2020. Umsóknir í flokki atvinnuþróunar- og nýsköpunarverkefna eru 72 og í flokki menningarverkefna eru 93.

Fagráð atvinnu- og nýsköpunar leggur til að veita 31 af 72 verkefnum styrk eða 43% umsókna. Samtals leggur ráðið til að úthluta 20 m.kr.
Fagráð menningar leggur til að veita 54 af 93 verkefnum styrk eða ríflega 58% umsókna. Samtals leggur ráðið til að úthluta 20 m.kr.
Stjórn samþykkir framangreindar tillögur fagráðanna og eftirtalin verkefni hljóta því styrk:

Atvinnuþróunar og nýsköpunarverkefni

Heiti verkefnis	Styrkþegi	Upphæð
Loftþurrkað rauðvínslambalæri á suður-evrópska vísu	Roberto Tariello	1500000
Viðskiptaáætlun fyrir fjármögnun 5300 tonna fiskeldisstöðvar	Sjálfbært fiskeldi í Eyjum ehf.	1250000
Reynsluverkefni – Lífræn Hvítlauksrækt á Efri-Úlfsstöðum í A	Hörður Bender	1200000
Fullvinnsla á eldislaxi	Grétar Ingi Erlendsson	1000000
Salt Súrsað Grænmeti	Hallur Hróarsson	1000000
Endurvinnsla með vermicompost aðferð 3	Sigurjón Vídalín Guðmundsson	1000000
HorseDay	MOM ehf.	1000000
ÍSHAMPUR	Eldfell Innovation IVS	900000
Fjölvirkar gæðasápur	Guðrún Helgadóttir	800000
Vatnsrofin fiskiprótín úr hliðarafurðum fiskvinnslu	Langa ehf.	800000
Hrafntinnugerð með bræðslu á súru hrauni úr Kötlu	Icelandic Lava Show ehf.	750000
Vöruþróun og markaðssetning	Sólsker ehf	700000
Fullvinnsla á sæbjúgum Hafnarnes	VER hf.	600000
Heilsu- og sjúkraþjálfun hrossa	Kalsi ehf.	600000
Laxaafurð	Fiskás ehf.	550000
COD WINGS ÞORSK VÆNGIR	Gísli Matthías Auðunsson	500000
BestaGró: Lífrænn áburður unnin úr íslenskum sjávarafurðum	Margrét Kara Sturludóttir 500000
Framleiðsla á tilbúnum matvælum úr villibráð	Pálmi Geir Sigurgeirsson	500000
Hágæða íslenskir grænkera ostar	Livefood ehf.	500000
Otoseeds	Mörður Gunnarsson Ottesen	500000
Undir sama þaki	Burstasteinn ehf.	500000
Þróun, uppbygging og markaðssetning á rafhjólaferðum	Midgard Adventure ehf.	450000
Via Ferrata í Mýrdal	True Adventure ehf.	400000
Ölverk – hot sauce framleiðsla	Einfalt ehf.	400000
Tindaborg	Tindaborg ehf.	400000
Softana Original Markaðsherferð	Bjarni Einarsson	300000
Markaðsefni fyrir sprettur	Aldingróður ehf.	300000
Skræður – Markaðsherferð	Ársæll Markússon	300000
Sjálfbært mál	Brynja Davíðsdóttir	300000
Íslenska flóruspilið	Guðrún Bjarnadóttir	250000
Fab Lab-langspil	Eyjólfur Eyjólfsson	250000

Menningarverkefni

Heiti verkefnis	Styrkþegi	Upphæð
Skjálftinn	Biðukolla ehf.	1500000
Óperutónleikar Árnesi / Óperu-og skólatónleikar Höfn	Góli ehf	900000
Jólin koma – Jólatónleikar Sinfóníuhljómsveitar Suðurlands	Góli ehf	850000
NEST (FYRSTI HLUTI)	Home Soil ehf.	700000
Þjóðsagnavefur – Suðurland	Kirkjubæjarstofa	700000
Uppsetning myndlistarsýningar Katrínar Sigurðardóttur 2021	Menningarmiðstöð Hornafjarðar	650000
Baðstofan	Gullkistan, miðstöð sköpunar ehf.	600000
Sjósókn frá Landeyjasandi	Kvenfélagið Freyja	600000
Tími fyrir sjálfstætt fólk / Time for independent people	Barbora Fialová	500000
Félagslíf eldri borgara á Suðurlandi	Anna Edit Dalmay	500000
Allt í björtu báli – Eg var ung gefin Njáli	Tjörvi Óskarsson	500000
Norðurljósablús 2021 tónlistarhátíð	Blús- og rokkklúbbur Hornafjarðar	500000
Sálarsmurstöðin	Kristín Björk Kristjánsdóttir	450000
Fornar Ferðaleiðir – ENDURHEIMT – HANDBÓK	Kirkjubæjarstofa	400000
Paradís Amatörsins	Tinna Ottesen	400000
Lifandi tjáning í safni – með safneign	Listasafns Árnesinga Listasafn Árnesinga	400000
Þjóðleikur á Suðurlandi 2020 – 2021	Magnús Jóhannes Magnússon	400000
Undirbúningur og uppsetning sýningar í Skálholti	Prentsögusetur	400000
Tónleikar með íslenskum þjóðlögum: „Ný upp ran þín sumarsól“	Edit Anna Molnár	400000
Tónlist í kirkjum	Rut Ingólfsdóttir	400000
Bjartir sunnudagar á Eyrarbakka	Bakkastofa ehf.	300000
Fornbýli í landslagi – ljósmynda- og veggspjaldasýning	Menningarmiðstöð Hornafjarðar	300000
Fiðlufjör á Hvolsvelli 2021	Chrissie Telma Guðmundsdóttir	300000
Litla jörðin, vinnusmiðja	Agnes Hjaltalín Andradóttir	300000
Gamanleikrit	Leikfélag Hveragerðis	300000
Örsögur – Kynning á verkum úr safneign	Listasafn Árnesinga	300000
Hundalíf, einkasýning Bjargeyjar Ólafsdóttur	Listasafn Árnesinga	300000
Yfirtaka í Listasafni Árnesinga	Anna Kolfinna Kuran	300000
„Ó flýt þér nær þegar vorharpan slær“ – Eyjalög að sumri	Guðný Charlotta Harðardóttir	300000
Gestagangur í Þorlákskirkju með jólaívafi	Tómas Jónsson	300000
Gímaldin í Fagurhólsmýri	Gísli Magnússon	300000
Grímsvatnagos í tónum og mynd	Lilja Magnúsdóttir	300000
Hamingjuaukandi vortónleikar Kyrjukórsins í Þorlákshöfn	Biðukolla ehf.	300000
Jól á Flúðum	Guðmundur Karl Eiríksson	300000
Sunnlenskir stórtónleikar á streymisveitum	Heimir Eyvindsson	300000
Byrjendanámskeið í raftónlist fyrir unglinga.	Listasafn Árnesinga	250000
Vetrarsmiðjur við ströndina	Alda Rose Cartwright	250000
Í það minnsta kerti og spil – jóladagskrá Byggðasafns Árn.	Byggðasafn Árnesinga	250000
Skapandi rými	Midgard Base Camp ehf.	250000
„Forrest Forrester’s audio-visual performances“	Aleksandra Krystyna Baldyga	250000
Jónas Friðrik – tónleikar	Vestmannaeyjabær	250000
Sundlaugarpartí	Menningarmiðstöð Hornafjarðar	250000
Spunavélin	Sigurður Ingi Einarsson	200000
Steinaríkið	Hanna Dís Whitehead	200000
Tónlistarbekkir	Inga Margrét Jónsdóttir	200000
Víkingar – card game	Mateusz Bartosz Borkowski	200000
Mósaík Vinnustofur	Helga Jónsdóttir	200000
Barnabókahöfundar heimsækja bókasafn og grunnskóla á Höfn	Menningarmiðstöð Hornafjarðar	150000
Rithöfundakvöld MMH	Menningarmiðstöð Hornafjarðar	150000
Upplestrakvöld með fjölmenningarlegu ívafi	Menningarmiðstöð Hornafjarðar	150000
1000 Andlit heimaeyjar	Bjarni Sigurðsson	150000
Íbúar Bláskógarbyggðar	Ívar Sæland	150000
MUUR	Lind Völundardóttir	150000
Mannlíf og byggð í glerplötusafni Kjartans Guðmundssonar.	Vestmannaeyjabær	100000

Grétar Ingi og Friðrik komu á fundinn að lokinni umfjöllun.

4. Önnur mál til kynningar og umræðu

a. Fundargerðir m.a. stjórna annarra landshlutasamtaka.

Lögð fram til kynningar, fundargerð 508. fundar stjórnar SSH, fundargerð 156. fundar stjórnar SSV, fundargerð 761. fundar stjórnar SSS, fundargerð 59. fundar stjórnar SSNV, fundargerð 15. fundar stjórnar SSNE, fundargerð 889. fundar stjórnar sambandsins og fundargerð 64. fundar stýrihóps Stjórnarráðsins.

b. Sértæk verkefni sóknaráætlanasvæða

Formaður kynnti verkefnið. Tillögur hafa borist frá eftirfarandi sveitarfélögum: Rangárþingi eystra en það verkefni tengist Njálureflinum, Mýrdalshreppi en það verkefni tengist uppbyggingu Halldórsbúðar og Sveitarfélaginu Hornafirði en það verkefni tengist uppbyggingu á Miklagarði.

Stjórn er samþykk því að samtökin skili inn umsóknum fyrir öll þrjú framangreind verkefni enda falla þau vel að skilgreindum áherslum verkefnisins en lögð er áhersla á stuðning við svæði sem búa við langvarandi fólksfækkun, atvinnuleysi og einhæft atvinnulíf og verða verkefni sem hafa jákvæð áhrif á þróun byggðar og búsetu sett í forgang.

c. Stafrænt ráð sveitarfélaga

Friðrik fór yfir umræður sem fóru fram á fundi stafræns ráðs sveitarfélaganna. Stjórn fjallaði um áherslur og forgangsröðun verkefna á vegum sveitarfélaganna í stafrænum málum á komandi tímabili.

d. Erindi frá Samtökum ferðaþjónustunnar

Formaður kynnti erindi sem samtökunum hefur borist frá Samtökum ferðaþjónustunnar (SAF). Fyrirsvarsmenn SAF fara fram á niðurfellingu á fasteignagjöldum fyrir ferðaþjónustufyrirtæki. Samtök sunnlenskra sveitarfélaga geta ekki fellt niður eða breytt álagningu fasteignagjalda. Fyrirsvarsmönnum SAF er bent á að beina erindi sínu til sveitarfélaga.

Stjórn SASS áréttar að ferðaþjónustan hefur staðið undir verulegum hluta hagvaxtar á Íslandi síðustu ár. Eigi ferðaþjónustan áfram að geta gegnt því hlutverki sem henni er ætlað er afar mikilvægt að koma henni ólaskaðri í gegnum COVID-19 tímabilið þannig að greinin geti hratt brugðist við breyttu ástandi. Stjórn SASS hvetur sveitarfélög til þess að leita allra leiða til að standa með fyrirtækjum sem hafa orðið fyrir tekjutapi vegna COVID-19.

Næsti fundur stjórnar verður haldinn föstudaginn 6. nóvember kl. 13:00.

Fundi slitið kl. 18:00.

Eva Björk Harðardóttir
Helgi Kjartansson
Arna Ír Gunnarsdóttir
Björk Grétarsdóttir
Ásgerður Kristín Gylfadóttir
Jóna Sigríður Guðmundsdóttir
Grétar Ingi Erlendsson
Friðrik Sigurbjörnsson
Ari Björn Thorarensen

563. fundur stj. SASS

Tengt efni

stjornarfundir