Ratsjáin var fyrst keyrð í samstarfi Ferðaklasans og Nýsköpunarmiðstöðvar árið 2016 en með stuðningi frá Byggðaáætlun 2019. Í verkefninu geta þátttakendur kynnst hver öðrum, geta miðlað þekkingu og reynslu sín á milli og myndað með sér samstarf og tenglsanet.
Ratsjáin er ákveðið verkfæri ætlað stjórnendum í ferðaþjónustu og tengdum greinum sem vilja auka nýsköpunarhæfni sína, hraða mikilvægum breytingaferlum og öðlast aukna yfirsýn og getu til að þróa vörur og þjónustu. Íslenski ferðaklasinn leiðir verkefnið í samstarfi við viðeigandi aðila hverju sinni en í ár er það samstarf við landhlutasamtökin á Íslandi.
Ratsjáin mun snerta á helstu áskorunum sem fyrirtækjaeigendur standa frammi fyrir í dag en endanleg dagskrá mun vera unnin í samstarfi við þátttakendur sem geta með kosningu haft áhrif á þá efnisþætti sem teknir verða fyrir.
Meðal efnisþátta sem verða í boði eru:
- Nýsköpun og vöruþróun
- Markaðsmál og markhópar
- Sjálfbærni og ábyrg ferðaþjónusta, stafræn þróun og tæknibylting fyrirtækja
- Breyttir tímar og tækifærin – kaupákvörðunarhringurinn
- Draumur stofnenda – tilgangur og markmiðasetning
- Heimasíður – hvernig skarar síðan mín fram úr?
- Streitustjórnun
- Vörumerkjastjórnun
- Endurhugsaðu viðskiptamódelið
- Skapandi hugsun sem verkfæri til framfara
- Samkeppnishæfni og sérstöðugreining, svo dæmi séu tekin.
Meðal helsta ávinnings sem núverandi fyrirtæki í Ratsjánni nefna með þátttöku sinni í verkefninu er:
- Skerpt á fókus á þeim atriðum sem þarf að huga að núna til skemmri tíma
- Gefið þér ný verkfæri til að vinna með inní nýjan veruleika
- Hjálpað þér að kafa í kjarnann á þínu fyrirtæki og endurskipulagt ferla
- Gefið þér vísbendingar um hvar í rekstri þarf að endurhugsa til framtíðar þegar hjólin snúast á ný
- Gefið þér tækifæri á að spegla þig meðal jafningja sem eru í sömu stöðu
- Komið auga á ný viðskiptatækifæri með hjálp vörþróunar og nýsköpunar
- Þjálfað þig og lykilstjórnendur í breytingastjórnun, aukinni sjálfbærni og nýjum leiðum til stafrænnar vegferðar.
- Stóraukið tengslanetið og samstarf aðila á milli
Hér má finna slóð á kynningarfund sem haldinn var 25. janúar 2022.
Á vef verkefnisins má einnig finna frekari upplýsingar og umsóknarform. 
