593. fundur stjórnar SASS
Fjarfundur
3. mars 2023, kl. 12:20-13:50
Þátttakendur: Ásgerður Kristín Gylfadóttir formaður, Jóhanna Ýr Jóhannsdóttir, Margrét Harpa Guðsteinsdóttir, Árni Eiríksson, Njáll Ragnarsson, Arnar Freyr Ólafsson, Einar Freyr Elínarson og Grétar Ingi Erlendsson. Brynhildur Jónsdóttir boðaði forföll og í hennar stað kom Bragi Bjarnason. Undir dagskrárlið 2 taka þátt frá Heilbrigðisstofnun Suðurlands (HSU) Díana Óskarsdóttir forstjóri, Baldvina Ýr Hafsteinsdóttir framkvæmdastjóri hjúkrunar og Axel Björgvin Höskuldsson framkvæmdastjóri fjármála. Einnig tekur þátt Bjarni Guðmundsson framkvæmdastjóri SASS, sem jafnframt ritar fundargerð. Fundarmenn tengjast fundinum með fjarfundabúnaði.
Formaður býður fundarmenn og gesti fundarins frá Heilbrigðisstofnun Suðurlands velkomna.
1. Fundargerð
Fundargerð 592. fundar staðfest en hún verður undirrituð síðar.
2. Kynning á starfssemi Heilbrigðisstofnunar Suðurlands
Díana Óskarsdóttir forstjóri HSU kynnir starfsemi og skipulag stofnunarinnar. Hún fór yfir helstu áskoranir stofnunarinnar í landshlutanum s.s. tengdar mönnun, mikilli fjölgun íbúa og ferðamanna en fjöldi sem sækir þjónustu til HSU hefur aukist mikið á síðustu árum, áhrifa vetrarþjónustu á vegum á bráðaþjónustu og mikil aukning ferða með sjúkraflugi á milli ára frá m.a. Vestmannaeyjum. Hún og aðrir fulltrúar HSU svara spurningum og hugleiðingum stjórnarmanna.
3. Samstarfsmaningar um byggðaþróun og atvinnuráðgjöf
Drög að samningi við samstarfsaðila SASS í landshlutanum sem sinna ráðgjöf fyrir samtökin hafa áfram verið til umræðu. Nýir samningar taka mið af fjölgun vinnusóknarsvæða um eitt og breyttum áherslum tengdum byggðaþróunarfulltrúa. Samstarfsaðilum hefur einnig verið kynntar hugmyndir um skiptingu fjár á milli svæða. Formanni og framkvæmdastjóra falið að vinna málið áfram.
4. Önnur mál til kynningar og umræðu
a. Fundargerðir m.a. stjórna annarra landshlutasamtaka
Lagðar fram til kynningar; fundargerðir 551. og 552. funa stjórnar SSH, fundargerð 51. fundar Vestfjarðastofu, fundargerð 90. fundar SSNV og fundargerð 86. fundar stýrihóps Stjórnarráðsins.
b. Skýrsla framkvæmdastjóra
Framkvæmdastjóri kynnir helstu verkefni og hvað framundan er en meðal atriða má nefna að: unnið er gerð samstarfssamninga um byggðaþróun og atvinnuráðgjöf; upplýsingafundur fór fram milli formanns og framkvæmdastjóra og þingmanna Suðurkjördæmis; námskeið tengt Sveitarfélagaskóla Sambands íslenskra sveitarfélaga verður haldið í vestari hluta Suðurlands 14. mars nk. á Hótel Selfossi en gert er ráð fyrir öðru námskeiði í austari hluta Suðurlands 25. apríl nk.; umsóknarfrestur í fyrri úthlutun Uppbyggingarsjóðs Suðurlands rann út 1. mars sl. en alls bárust 120 umsóknir og þar af voru umsóknir í menningarverkefni 73 og atvinnu- og nýsköpunarverkefni 47; samtökin fengu styrk tengt C.1. Sértæku verkefni Sóknaráætlunarsvæðað að fjáhæð 10 m.kr.; frá áramótum hafa mánaðalegir samráðsfundir verða haldnir með sambandinu og landshlutasamtökum en á fyrsta fundinum var m.a. fjallað um sameiginlegar áskoranir s.s. um rammasamning um húsnæðismál, samgöngur milli höfuðborgarsvæðisins og landshlutanna tengt Borgarlínu, viðhald og uppbygging innviða á Suðurnesjum og mögulegt samstarf um gerð umsagna; verið er að yfirfara umsóknir í starf verkefnisstjóra hjá Orkídeu; kynningarfundur um tillögu að svæðisskipulagi fyrir Suðurhálendið var haldinn á Hótel Selfossi 8. febrúar sl. en upptaka af fundinum er aðgengileg á heimasíðu SASS en alls tóku um 90 þátt á fundinum.
c. Íslenski bærinn
Formaður kynnir erindi frá fyrirsvarsmönnum Íslenska bæjarins sem sent hefur verið á lykilaðila á sviði rekstrar og uppbyggingar safna og menningarstarfsemi á Suðurlandi. Hugmyndin er að kalla saman hagaðila til að marka framtíðarsýn Íslenska bæjarins og kanna rekstrargrundvöll hans. Stjórn vísar erindu til framkvæmdastjóra til nánari skoðunar.
d. Jarðgöng undir Hellisheiði
Formaður kynnir tillögu frá bæjarfulltrúum S-lista í Sveitarfélaginu Árborg sem lögð var fram í bæjarráði Árborgar. Niðurstaða umfjöllunar hjá bæjarráði var að þar sem um er að ræða hagsmunamál fyrir öll sveitarfélög á Suðurlandi er erindu vísaði til umfjöllunar hjá SASS.
Næsti fundur stjórnar verður haldinn föstudaginn 24. mars nk. kl. 12:30 sem er staðfundur að Austurvegi 56 á Selfossi.
Fundi slitið kl. 13:50
Ásgerður Kristín Gylfadóttir
Grétar Ingi Erlendsson
Margrét Harpa Guðsteinsdóttir
Jóhanna Ýr Jóhannsdóttir
Bragi Bjarnason
Arnar Freyr Ólafsson
Árni Eiríksson
Njáll Ragnarsson
Einar Freyr Elínarsonar
