600. fundur stjórnar SASS
Fjarfundur
18. september 2023, kl. 11:00-13:20
Þátttakendur: Ásgerður Kristín Gylfadóttir formaður, Grétar Ingi Erlendsson varaformaður, Jóhanna Ýr Jóhannsdóttir, Margrét Harpa Guðsteinsdóttir, Árni Eiríksson, Arnar Freyr Ólafsson, Einar Freyr Elínarson, Brynhildur Jónsdóttir og Njáll Ragnarsson. Undir dagskrárlið 2 taka þátt frá Markaðsstofu Suðurlands (MSS) úr stjórn Katrín Ó. Sigurðardóttir, Ágúst Elvarsson, Geir Gígja, Ása Valdís Árnadóttir, Guðmundur Fannar Vigfússon og Ragnhildur Sveinbjarnardóttir framkvæmdastjóri MSS. Einnig tekur þátt Bjarni Guðmundsson framkvæmdastjóri SASS, sem jafnframt ritar fundargerð. Fundarmenn tengjast fundinum í gegnum fjarfundar hugbúnað.
Formaður býður fundarmenn velkomna.
1. Fundargerðir
Fundargerðir 598. og 599. funda staðfestar en þær verða undirritaðar síðar.
2. Skipulag og rekstur á áfangastaðastofu
Formaður fer yfir umræður frá síðasta fundi stjórnar um hvernig skipulagi og rekstri áfangastaðastofu er háttað í öðrum landshlutum.
Ragnhildur framkvæmdastjóri MSS kynnir starfsemina en hlutverk markaðsstofunnar er að efla stoðkerfi ferðaþjónustunnar og stuðla að jákvæðum framgangi hennar á Suðurlandi. Meginverkefni áfangastaðastofu er að leggja fram áfangastaðaáætlun fyrir landshlutann og markaðssetja áfangastaðinn Suðurland. Hún kynnir helstu áherslur, markaðsaðgerðir og þau verkefni sem fram undan eru s.s. uppfærsla áfangastaðaáætlunar. Meginþemað er að samstarf eykur slagkraft.
Niðurstaða stjórnar er að fela formanni og framkvæmdastjóra SASS að vinna áfram að málinu.
3. Ársþing SASS 2023
Dagskrá ársþings og aðalfundar 2023
Formaður kynnir uppfærð drög að dagskrá ársþingsins sem taka mið af umræðu síðasta fundar um eftirfarandi efnistök: lýðfræðilega þróun, stafræna þróun og stjórnsýslu, húsnæðismál og orkumál – aðgengi að orku. Fyrir liggur að þema ársþingsins er. „Hvar liggja ofurkraftar sunnlensks samfélags?“ Formanni og framkvæmdastjóra falinn nánari útfærsla samkvæmt umræðum á fundinum.
4. Önnur mál til kynningar og umræðu
a. Fundargerðir m.a. stjórna annarra landshlutasamtaka
Lagðar fram til kynningar; fundargerðir 562. og 563. funda stjórnar SSH, fundargerð 176. fundar stjórnar SSV, samantekt um efnahagsumsvif Austurlands og fundargerð 932. fundar stjórnar sambandsins.
b. Skýrsla framkvæmdastjóra
Framkvæmdastjóri kynnir að helsta verkefnið er undirbúningur fyrir ársþing samtakanna.
c. Sinfóníuhljómsveit Suðurlands
Niðurstaða stjórnar er að samtökin geta ekki veitt styrk til reksturs sinfóníuhljómsveitarinnar fyrir hönd aðildarsveitarfélaganna. Fyrisvarsmenn hljóm-sveitarinnar geta hins vegar, líkt og aðrir Sunnlendingar, sótt um í Uppbyggingarsjóð Suðurlands.
d. Fjármálaráðstefna sambandsins
Formaður kynnir kvöldboð sem haldið verður fyrir sunnlenskt sveitarstjórnarfólk fimmtudaginn 21. september nk. í tengslum við fjármálaráðstefnu sambandsins. Framkvæmdastjóra falin útfærsla í samræmi við umræður fundinum.
e. Ársþing SASS 2024
Formaður kynnir að verið sé að kanna hvar hægt er að halda ársþing samtakanna 2024. Formanni og framkvæmdastjóra falinn undirbúningur.
Næsti fundur stjórnar verður haldinn í fjarfundi föstudaginn 6. október nk.
Fundi slitið kl. 13:20
Ásgerður K. Gylfadóttir
Grétar Ingi Erlendsson
Einar Freyr Elínarson
Margrét Harpa Guðsteinsdóttir
Njáll Ragnarsson
Jóhanna Ýr Jóhannsdóttir
Brynhildur Jónsdóttir
Arnar Freyr Ólafsson
Árni Eiríksson
