406. fundur stjórnar SASS haldinn að Austurvegi 56, miðvikudaginn
3. október 2007, kl. 16.00
Mætt: Gunnar Þorgeirsson, Margrét K. Erlingsdóttir, Elliði Vignisson, Aldís Hafsteinsdóttir, Jóna Sigurbjartsdóttir, Unnur Brá Konráðsdóttir, Þórunn Jóna Hauksdóttir og Þorvarður Hjaltason framkvæmdastjóri sem ritaði fundargerð. Gestur fundarins: Kristín Hreinsdóttir framkvæmdastjóri Skólaskrifstofu Suðurlands.
Dagskrá
1. Bréf frá Skólaskrifstofu Suðurlands, dags. 1. október 2007, ásamt tillögum að fjárhagsáætlun fyrir Gaulverjaskóla 2008.
Í bréfinu er gerð grein fyrir tillögu stjórnarinnar til aðalfundar SASS um breytta kostnaðarskiptingu Gaulverjaskóla. Kristín Hreinsdóttir lagði fram greinargerð með fjárhagsáætluninni og gerði einnig grein fyrir tillögu stjórnar.
Stjórn samþykkir að vísa fjárhagsáætlun A til aðalfundar ásamt tillögunni.
2. Fundargerð Menningarráðs Suðurlands frá 19. september sl.
Til kynningar.
3. Fundargerð Mennta- og menningarmálanefndar SASS frá
24. september sl.
Fundargerðin staðfest.
4. Fundargerð Samgöngunefndar SASS frá 19. september sl.
Fundargerðin staðfest. Stjórnin tekur sérstaklega undir eftirfarandi ályktun nefndarinnar um Bakkafjöruhöfn:
“ Í ljósi ákvörðunar ríkisstjórnar um framtíðarsamgöngur á sjó við Vestmannaeyjar er það mat samgöngunefndar SASS að sigling nýs Herjólfs í Bakkafjöru verði byggðaþróun og ferðaþjónustu í Vestmannaeyjum og á Suðurlandi öllu til framdráttar.”
Samgöngunefndin tekur undir með bæjarráði Vestmannaeyjabæjar að nauðsynlegt sé að hafnarmannvirkið í Bakkafjöru verði þannig úr garði gert að frátafir í ferjusiglingum þangað verði ekki meiri en nú er í siglingum Herljólfs til Þorlákshafnar. Ennfremur leggur nefndin ríka áherslu á að framkvæmdir við gerð ferjuhafnar í Bakkafjöru og smíði nýs Herjólfs verði flýtt eins og kostur er þannig
að hægt verði að hefja siglingar milli Eyja og Bakkahafnar árið 2009.”
5. Fundargerð Velferðarmálanefndar frá 6. september sl.
Fundargerðin staðfest.
6. Samstarfssamningur um starf iðjuþjálfa á Suðurlandi, dags.
27. september 2008.
Stjórnin staðfestir samninginn og fagnar því að hann er í höfn.
7. Bréf frá Vestmannaeyjabæ, dags. 25. september 2007, varðandi ályktun stjórnar SASS frá 5. september sl. um mótvægisaðgerðir vegna niðurskurðar á þorskkvóta.
Lagt fram.
8. Bréf frá Jórunni Eggertsdóttur f. h. Markaðsstofu Suðurlands, dags. 4. september 2007, varðandi beiðni um afnot af léninu sudurland.is.
Stjórnin tekur ekki afstöðu til beiðninnar að svo komnu máli.
9. Bréf frá Landsskrifstofu Staðardagskrár 21 á Íslandi, dags.
25. september 2007, varðandi ráðgjöf vegna staðardagskrár.
Til kynningar.
10. Endurskoðun á starfsemi sunnlenskra sveitarfélaga. Skýrsla starfshóps stjórna SASS og AÞS.
Gunnar gerði grein fyrir störfum stýrihóps sem vann að skýrslunni ásamt Kristjáni Vigfússyni ráðgjafa.
Framkvæmdastjóri lagði fram athugasemdir við skýrsluna.
Stjórnin samþykkti að fela stýrihópnum að ganga frá skýrslunni í samræmi við þær athugasemdir sem fram komu á fundinum.
11. Ársþing SASS 2007.
Lagðar fram tillögur um:
a. Dagskrá ársþingsins
b. Skýrslu stjórnar
c. Fjárhagsáætlun 2008
Samþykktar samhljóða með lítilsháttar breytingum.
12. Efni til kynningar
a. Fundargerð Atvinnuþróunarfélags Suðurlands frá 7. september sl.
b. Fundargerðir stjórnar Skólaskrifstofu frá 21.september og 1. október sl.
c. Fundargerð stjórnar Sorpstöðvar Suðurlands frá 19. september sl.
d. Efni frá Sambandi íslenskra sveitarfélaga.
e. Efni frá landshlutasamtökunum
Fundi slitið kl. 19.05
Gunnar Þorgeirsson
Margrét K. Erlingsdóttir
Elliði Vignisson
Aldís Hafsteinsdóttir
Jóna Sigurbjartsdóttir
Unnur Brá Konráðsdóttir
Þórunn Jóna Hauksdóttir
Þorvarður Hjaltason
