Átta þúsundasti íbúinn í Sveitarfélaginu Árborg fæddist á fæðingadeild Heilbrigðisstofnunar Suðurlands á Selfossi laugardaginn 20. september. Það var drengur, fyrsta barn þeirra Helga Ófeigssonar og Thelmu Karenar Ottósdóttur. Fjölskyldan býr á Selfossi. Af þessu tilefni mætti Kjartan Björnsson, forseti bæjarstjórnar Árborgar á heimili þeirra á mánudaginn og heiðraði fjölskylduna með blómvendi, samfellu með áletrun og peningagjöf frá sveitarfélaginu.
