Skaftárhreppur og Samtök sunnlenskra sveitarfélaga (SASS), með stuðningi Byggðastofnunar, auglýsa eftir verkefnisstjóra til 3ja ára til að vinna í verkefninu „Brothættar byggðir – Skaftárhreppur til framtíðar“. Verkefnið er að fylgja eftir ákvörðunum verkefnisstjórnar til eflingar byggðar og mannlífs í Skaftárhreppi og vinna þannig náið með sveitarstjórn Skaftárhrepps, starfsmönnum og stjórn SASS, Byggðastofnun og íbúum Skaftárhrepps.
Verkefnisstjóri til 3ja ára í verkefnið „Brothættar byggðir – Skaftárhreppur til framtíðar“, sem er samstarfsverkefni Byggðastofnunar/Skaftárhrepps/SASS
Hæfniskröfur:
– Almenn menntun, sem nýtist í starfinu. Háskólamenntun er kostur.
– Haldbær starfsreynsla er mikilvæg.
– Reynsla af verkefnastjórnun er kostur.
– Góð tölvufærni.
– Þekking, skilningur og reynsla af byggðamálum mikilvæg.
– Frumkvæði, jákvæðni, sjálfstæð vinnubrögð og gott samstarf eru mikilvæg.
Helstu verkefni :
– Fylgja eftir ákvörðunum verkefnisstjórnar og áherslum íbúaþings
– Hafa frumkvæði að nýjum verkefnum
– Upplýsingar og skýrslugerð til íbúa og samstarfaðila
– Íbúafundir og þátttaka í samfélagsverkefnum í sveitarfélaginu
– Fylgja eftir stjórnsýsluákvörðunum
Verkefnisstjórinn hefur búsetu og starfsaðstöðu á Kirkjubæjarklaustri og þarf að geta hafið störf sem fyrst á árinu 2015. Uppýsingar um verkefnið er að finna á heimasíðu Byggðastofnunar (www.byggdastofnun.is).
Nánari upplýsingar um starfið, laun, starfskjör og starfsaðstöðu veita : Eygló Kristjánsdóttir sveitarstjóri Skaftárhrepps (sveitarstjori@klaustur.is) ; s: 487 4840 / 893 5940) og Þórarinn Egill Sveinsson verkefnisstjóri SASS (thorarinn@sudurland.is ; s: 480 8200 / 898 0399)
Umsóknir ásamt ferilskrá skal senda á netfangið : thorarinn@sudurland.is merkt : Skaftárhreppur til framtíðar. Umsóknarfrestur er til 15. Janúar 2015.
