Ákveðið var á stjórnarfundi SASS í apríl 2017 að skipa orkunýtingarnefnd SASS. Tilgangurinn með vinnu nefndarinnar var að marka stefnu fyrir Suðurland í orkunýtingamálum. Sýn stjórnar SASS er að orkunýtingaáætlun Suðurlands muni nýtast til þess að tryggja enn frekar að orka sem framleidd er á Suðurlandi nýtist í landshlutanum og þar með samfélaginu til hagsbóta.