Laugardaginn 6. september verður árviss uppskeruhátíð haldin í Hrunamannahreppi. Fjölbreytt dagskrá verður á Flúðum og nágrenni, markaður í félagsheimilinu með uppskeru og ýmsan varning beint frá býli, handverk, opin hús, söfn, sýningar, golfmót og tilboð hjá ferðaþjónustuaðilum. Íþróttaviðburðurinn „Uppsveitahringurinn“ verður haldinn sama dag í þriðja sinn þar sem hlaupið og hjólað verður um uppsveitir Árnessýslu.